Առաջիկայում կգործարկվի Համահայկական էլեկտրոնային գրադարանի ինտերնետային կայքը: Ինչպես «Արմենպրես»-ի հետ զրույցում նշեց Սփյուռքի նախարարության աշխատակազմի տեղեկատվության եւ հեռահաղորդակցության վարչության պետ Տիգրան Հարությունյանը, նախնական տվյալներով` պաշտոնական գործարկումը կլինի փետրվարին:Կայքի ստեղծման աշխատանքներով զբաղվել է «Մասակա» ընկերությունը, որը հաղթող էր ճանաչվել նախապես հայտարարված մրցույթում: Տ. Հարությունյանի խոսքով` էլեկտրոնային գրադարանի կայքը կունենա բազմաթիվ հնարավորություններ, այն կլինի բազմալեզու: «Արեւելահայերենից եւ արեւմտահայերենից բացի, կայքում կտեղադրվեն նաեւ այլ լեզուներով գրքեր, որովհետեւ կան բազմաթիվ հայազգի գրողներ, ովքեր ունեն անգլերենով կամ այլ լեզվով գրված ստեղծագործություններ»,-ասաց վարչության պետը:
Նրա խոսքով` էլեկտրոնային գրադարանի ստեղծումը լավ հնարավորություն է, որպեսզի Հայաստանի հասարակությունը ծանոթանա Սփյուռքի գրական գործիչների ստեղծագործություններին եւ հակառակը: Սփյուռքի ցրվածությունն աշխարհով մեկ հնարավորություն չի ստեղծում, որ մարդիկ առնչվեն հայ գրականությանը: Ըստ Տ. Հարությունյանի` էլեկտրոնային գրադարանի ստեղծմամբ Սփյուռքում ապրող հայրենակիցները կկարողանան հաղորդակից դառնալ հայ գրականությանը, արվեստին, ազգային արժեքներին:
Կայքի գործարկումից հետո կիրականացվեն ֆոնդի համալրման աշխատանքները, որը շարունակական բնույթ կկրի: Այդ հարցում նախարարությունը նախատեսում է սերտորեն համագործակցել ինչպես Հայաստանի, այնպես էլ Սփյուռքի հրատարակիչների, գրողների հետ:
Շատ լավ գաղափար է, և ընթերցողների համար ժամանակի խնայողություն: Հուսանք, որ մատչելի և հասանելի կլինի բոլորի համար:
ОтветитьУдалитьՇնորհակալություն Սուրենին մեզ հետաքրքիր տեղեկություններ տրամադրելու համար
Խնդրեմ Հայկ ջան:
ОтветитьУдалить